Ornela Muti, 1 milion euro gjobë për evazion fiskal

Pas Valentino Rossi-t, Lele Mora-s, Leonardo Del Veçhio-s, Mario Cipollini-t, tashmë një tjetër personazh i njohur përfundon në zyrat e taksave. Këtë herë e akuzuar për evazion fiskal është aktorja Francesca Romana Rivelli, e njohur nga të gjithë si Ornela Mutti. Bukuroshja e kinemasë italiane prej gati dhjetë vjetësh është transferuar në Monte Carlo.
Një vendim që nuk e ka bindur Agjencinë e Hyrjeve, madje edhe Komisionin e Taksave të Romës, që tashmë së fundi kanë konfirmuar se aktorja është në evazion fiskal të gradës së parë, duke kërkuar që ajo të paguajë 1 milion euro.

Që nga Londra në Monte Carlo ka shkuar lista e VIP-ave që zgjedhin të transferohen jashtë për të mos paguar taksat në Itali.

Në rastin e Ornela Mutti-t, justifikimi është se ajo lëviz shumë për shkak të punës së saj si aktore dhe se duhet të jetojë përkohësisht në shumë vende. Por kjo nuk ka qenë aspak bindëse për Agjencinë e Hyrjeve. Elementi vendimtar, në vendim është prania në Itali e fëmijëve të aktores. Po kështu edhe marrëdhënia sentimentale e Ornelës me një kineast francez.

Por, duke parë të gjithë lëvizjet, që nga shpenzimet e kartës së kreditit për udhëtimet me avion etj., aktorja rezulton se gjithmonë kthehet në Romë. Sipas burimeve, pjesëmarrja në televizion, rolet filmike, sfilatat e stilistëve italianë, bëhen gjithmonë në Itali.

Vendimi i gradës së parë mund të hidhet për rishqyrtim nga aktorja në Gjykatën e Apelit, duke ditur se në të njëjtën kohë ajo ndodhet më tepër larg Italisë sesa brenda saj.