Alkool e drogë.Barton në hall

E dehur ndërsa i jepte makinës, është një tekë kjo e gjithë yjeve. Pas kolegeve të saj, Paris Hilton, Lindsay Lohan e Nicole Richie, edhe Mischa Barton rrezikon burgun për shkak se i ka dhënë makinës në gjendje të dehur.

Ish-ylli i “O.C” është ndaluar në Kaliforni nga policia në dhjetorin e kaluar, pasi u gjet e dehur ndërsa udhëtonte me makinën e saj, e jo vetëm kaq, por kishte përdorur edhe marijuanë dhe u gjet pa patentë. Janë këto akuzat që i ka bërë gjyqtari i Los Angeles kundër artistes 21- vjeçare, aktualisht e lirë me kusht. Në kohën e arrestimit ajo provoi disa orë burg dhe më pas u lirua me liri me kusht, pas pagimit të 10 mijë dollarëve. Por ligji nuk e harroi atë. Dhe tashëm që gjyqtari ka formalizuar akuzat, do të fiksohet edhe data e gjyqit dhe Barton rrezikon vërtet shume.