Ingrit Gjoni blen Touareg

Këtë radhë është tunduar nga makinat e mëdha. Duke e parë në timonin e një “Audi” e më pas me një “Porsche” kishim menduar, se Ingrit Gjoni preferonte vetëm makinat e vogla. Por në fakt nuk është kështu. Kohët e fundit këngëtaren e kemi parë të drejtojë një makinë fuoristradë të tipit “Voklswagen Touareg”, me ngjyrë blu.

Mësojmë se ka vetëm pak ditë, që Ingriti e ka blerë këtë makinë, për të cilën shprehet se i ka kushtuar shumë, ndonëse nuk dëshiron të përmendë shifra. “U lodha nga makinat e vogla dhe vendosa të marr një të madhe”, pohon ajo duke qeshur. Më tej shton, se të ardhurat nga koncertet gjatë vitit që lamë pas, por edhe në fillim të këtij viti kanë qenë të mira. Kjo i ka krijuar mundësinë për të blerë edhe makinën e re, pa u sofrcuar ekonomikisht. Ingriti tregon, se gjithmonë ka qenë e dhënë pas makinave të bukura dhe është ky pasion, që e bën t’i ndërrojë shpesh. Por ndërsa ka zgjedhur një mjet të ri, duket se ende ajo nuk po mendon për një lidhje të re, edhe pse tashmë ka kaluar thuajse një vit, që nga ndarja me të fejuarin. Ndoshta Ingriti ndjehet mirë kështu dhe po e mendon seriozisht momentin, kur duhet të lidhet sërish. E për këtë arsye, ndoshta vazhdon t’u thotë “po” vetëm ofertave për koncerte, që këtë radhë e kanë çuar në Belgjikë