SHBA-të janë absolutisht kundër ndarjes së Kosovës

SHBA-të edhe një herë kanë kundërshtuar ashpër ndarjen e Kosovës. "Ne jemi absolutisht kundër ndarjes", ka thënë zëdhënësi i Departamentit të Shtetit Tom Kejsi, duke ritheksuar se qëndrimi i SHBA-ve për çështjen e Kosovës është fare i qartë, andaj plani i Marti Ahtisarit duhet të zbatohet në mbarë territorin e Kosovës, duke përfshi edhe mjediset në të cilat shumicën e përbëjnë serbët. Kjo deklaratë e zëdhënësit të Departamantit të Shtetit erdhi pas dhunës së fundit të shkaktuar në veriun e Mitrovicës nga ekstremistët serbë, gjatë së cilës u vra një polic ukrainas ndërsa u plagosën me dhjetra policë ndërkombëtarë dhe ushtarë të KF0R-it, si dhe demostrues serbë.