Bugajski:Është befasuese që Kosovën e njohën vetëm 4vende Is

Deri më tani pavarësia e Kosovës është njohur vetëm nga katër vende islame. Në radhën e 33 shteteve që deri më tani kanë njohur pavarësinë e Kosovës, nuk është as një vend i botës arabe.


Duket se ndjenja antiamerikane është më e madhe se ndjenja proislame dhe kjo është një befasi e madhe thotë drejtori i Qendrës për studime strategjike ndërkombëtare dhe ato të Evropës lindore, Janush Bugjaski. Njohja e pavarësisë së Kosovës është planifikuar të ndodhë në disa faza. Në fazën e parë ishte SHBA-ja dhe vendet kyçe të Bashkimit Evropian. Në fazën e dytë janë përfshirë vendet e vogla dhe vendet jashtë Bashkimit Evropian.

Vala e tretë e njohjes është parashikuar të bëhej nga vendet fqinje dhe kjo po ndodh tani siç ishte rasti me Kroacinë, Hungarinë dhe Bullgarinë. Kjo fazë do të vazhdojë më tej, thotë drejtori i Qendrës ndërkombëtare për studime strategjike dhe ato të Evropës lindore, Janush Bugajski në një intervistë thënë Zërit të Amerikës. Por, Bugajski e cilëson befasi të madhe dhe të pakëndshme faktin se deri më tani pavarësinë e Kosovës nuk e ka njohur as një vend islamik nga bota arabe.

“Deri më tani nga 33 vende sa e kanë njohur pavarësinë e Kosovës vetëm katër vende janë islamike, ndërsa asnjë prej këtyre katër vendeve islamike nuk është nga bota arabe. Duket se ndjenja antiamerikane tek këto shtete është më e madhe se ndjenja proislamike, konstaton Bugajski. Megjithatë, shton ai, me stabilizimin e situatës në Kosovë dhe falë angazhimit të NATO-s e BE-së, pavarësinë e Kosovës do ta njohin edhe shumë vende të tjera.Bugajski nënvizon qëndrimin e Departmenit amerikan të shtetit se nuk do të ketë ndarje të Kosovës. Sa i përket Serbisë, bota duhet t’ia bëjë të qartë plotësisht se provokimet në veri të Kosovës nuk do të jenë në të mirë të serbëve në Kosovës dhe as në të mirë të vetë Serbisë. Sa i përket Ushingtonit, Kosova është punë e kryer ka thënë Bugajski dhe tani duhet ecur përpara. Ndërkaq, i pyetur për raportet e Rusisë dhe Serbisë, Bugajski ka thënë se Rusia po zhvillon një eksperiment pas luftës së ftohtë me Serbinë përmes të cilit po përpiqet të pengojë zgjerimin e BE dhe ndikimin e perëndimit. Bugajski tha se me zgjedhjet e lira në maj, të cilat janë më të rëndësishme që nga rënia e Millosheviqit, do të dëshmohet nëse Serbia do të pranojë të bëhet objekt i këtij eksperimenti të Rusisë.