Filmi “Atonement” udhëheq listën e të nominuarve me Bafta

Pas suksesit në shpërblimet “Globi i Artë”, duke u shpallur filmi më i mirë, filmi britanik ‘Atonement’ kryeson listën e të nominuarve për shpërblimet BAFTA, me 14 nominime, përfshirë edhe në kategorinë “Filmi më i mirë”. Me aktorë Keira Knightley dhe James McAvoy, të cilët janë nominuar në kategoritë “aktorja më e mirë”, përkatësisht “aktori më i mirë”, Filmi “Atonement” është i dyti i regjisorit Joe Wright, i cili gjithashtu është nominuar në kategorinë “Regjisori më i mirë i vitit”.
Epika e Luftës së Dytë Botërore flet për dy të dashuruar të cilët ndahen për shkak të një tradhtie familjare.
Filmat të cilët konsiderohen favoritë për të fituar Oskar, “There Will Be Blood” dhe “No Country For Old Men” kanë nga 9 nominime secili ndërsa “La Vie En Rose” është nominuar në shtatë kategori të shpërblimeve Bafta.
Në kategorinë “filmi më i mirë i vitit” garojnë filmat: “Atonement”, “There Will Be Blood”, “No Country For Old Men”, "American Gangster", dhe "The Lives Of Others."
Njëjtë sikur për “Globin e Artë”, dy aktoret britanike, Keira Knightley dhe Julie Christie, garojnë në kategorinë “aktorja më e mirë”. Për këtë shpërblim të nominuara janë edhe aktoret Cate Blanchett, Marion Cotillard dhe Ellen Page.
Gjithashtu dy britanikë janë nominuar për shpërblimin Bafta si “Aktori më i mirë”. Është fjala për James McAvoy dhe fituesin e sivjetmë të çmimit “Globi i Artë”, Daniel Day Lewis, të cilët garojnë krahas aktorëve, George Clooney, Viggo Mortensen dhe Ulrich Muehe.
Nuk kishte ndonjë befasi të madhe me t’u bërë të ditur të nominuarit për shpërblimet e sivjetme “Bafta” përveç se filmi Sweeney Todd nuk u nominua në ndonjë kategori të rëndësishme pavarësisht suksesit të tij në “Globin e Artë” ku fitoi shpërblimin “Mjuzikëlli më i mirë” dhe aktori Johnny Depp u shpërblye si “Aktori më i mirë në mjuzikëll”.
Gjithashtu ndër të nominuarit nuk ishte filmi i Sean Penn-it “Into the Wild” i cili ka marrë lëvdata të mëdha si dhe kryeson listën e të nominuarve për shpërblimet që ndan Shoqata Amerikane e Aktorëve.
Nën frikën se greva e skenaristëve mund të rrezikoj mbarëvajtjen e ceremonisë së sivjetme Oskar, ndarja e shpërblimeve Bafta, e cila do të mbahet në Londër më 10 shkurt, mund të tërheq një numër të madhe yjesh të Hollywood-it.
Greva e skenaristëve në Hollivud ka shpirë në anulimin e ceremonisë së ndarjes së shpërblimeve “Globi i Artë” në Amerikë e cila më pas u zëvendësua me një konferencë shtypi ku u bënë të ditur fituesit

Më poshtë janë nominimet në kategoritë kryesore për edicionin e 80-të vjetor të Çmimeve Oskar. Fituesit do të zbulohet më 24 shkurt.

Filmi më i mirë:
"Atonement"
"Juno"
"Michael Clayton"
"No Country for Old Men"
"There Will Be Blood"

Aktori më i mirë:
George Clooney, për rolin në filmin "Michael Clayton"
Daniel Day-Lewis, për rolin në filmin "There Will Be Blood"
Johnny Depp, për rolin në filmin "Sweeney Todd the Demon Barber of Fleet Street"
Tommy Lee Jones, për rolin në filmin "In the Valley of Elah"
Viggo Mortensen, për rolin në filmin "Eastern Promises"

Aktorja më e mirë:
Cate Blanchett, për rolin në filmin "Elizabeth: The Golden Age"
Julie Christie, për rolin në filmin "Away From Her"
Marion Cotillard, për rolin në filmin "La Vie en Rose"
Laura Linney, për rolin në filmin "The Savages"
Ellen Page, për rolin në filmin "Juno"

Aktori më i mirë në rolin dytësor:
Casey Affleck, për rolin në filmin "The Assassination of Jesse James by the Coward Robert Ford"
Javier Bardem, për rolin në filmin "No Country for Old Men"
Hal Holbrook, për rolin në filmin "Into the Wild"
Philip Seymour Hoffman, për rolin në filmin "Charlie Wilson's War"
Tom Wilkinson, për rolin në filmin "Michael Clayton"

Aktorjamë e mirë në rolin dytësor:
Cate Blanchett, për rolin në filmin "I'm Not There"
Ruby Dee, për rolin në filmin "American Gangster"
Saoirse Ronan, për rolin në filmin "Atonement"
Amy Ryan, për rolin në filmin "Gone Baby Gone"
Tilda Swinton, për rolin në filmin "Michael Clayton"

Regjisori më i mirë:
Julian Schnabel, me filmin "The Diving Bell and the Butterfly"
Jason Reitman, me filmin "Juno"
Tony Gilroy, me filmin "Michael Clayton"
Joel Coen dhe Ethan Coen, me filmin "No Country for Old Men"
Paul Thomas Anderson, me filmin "There Will Be Blood"

Filmi më i mirë i huaj (jo amerikan):
"Beaufort”, Izrael
"The Counterfeiters”, Austri
"Katyn”, Poloni
"Mongol”, Kazakistan
"12”, Rusi

Filmi i animuar më i mirë:
"Persepolis"
"Ratatouille"
"Surf's Up"

Efektet më të mira vizuale:
"The Golden Compass"
"Pirates of the Caribbean: At World's End"
"Transformers"