Vriten dy militantë palestinezë

Dy militantë palestinezë janë vrarë nga forcat izraelite gjatë një operacioni në Rripin e Gazës. Sipas Hamasit këto ishin vrasjet e para të militantëve pas një muaji pa viktima.

Në të tjera zhvillime kryeministri izraelit, Ehud Olmert ka thënë se Izraeli do vazhdojë të ndërtojë në Jerusalemin Lindor dhe në Bregun Perëndimor.

Izraeli bëri të ditur ndërtimin e 1400 shtëpive në territorin që palestinezët pretendojnë të ngrejnë shtetin e tyre të ardhshëm.