Festë e përbashkët për ditëlindjet e Fergiet dhe Tarantinos

Këngëtarja Fergie ka zbuluar se të premten e kaluar ishte bashkuar me skenaristin dhe regjisorin, Quentin Tarantino, për t’i festuar ditëlindjet e tyre së bashku në Las Vegas.
Fergie dhe Tarantino, të cilët e kanë ditëlindjen në datë të njëjtë, me 27 mars, i kanë mbushur nga 33, respektivisht 45 vjet, ndërsa mbrëmja është mbajtur në një klub në “qytetin e mëkatit” deri në orët e hershme të mëngjesit.

“Dëshironim të bëjmë diçka të çmendur dhe diçka shumë argëtuese”, ka thënë këngëtarja e grupit “Black Eyed Peas”.