Minogue kundër adoptimit

Pop këngëtarja australiane, Kylie Minogue, u ka dhënë fund spekulime kinse ajo është duke planifikuar të adoptojë një fëmijë nga banorët autoktonë të Australisë, aborixhinët.
Ylli i këngës, "I Can't get you (Out of my Mind)", ka mohuar thashethemet se ajo dëshiron të ndjekë hapat e të famshmeve tjera, Angelina Jolie dhe Madonna, duke thënë se ajo ende nuk dëshiron të krijojë familje.
“Kam dëgjuar spekulime për këtë gjë, më duket se kanë ardhur nga gazetat britanike. Megjithatë nuk është e vërtetë, ka shumë spekulime për mua dhe të ardhmen time. Do të dëshiroja të kem familje dikur, por nuk e di kur do të ndodhë kjo”, ka thënë 39-vjeçarja.