Lohan do të luajë një të çmendur pas seksit

Lindsay Lohan ka nënshkruar një kontratë sipas së cilës ajo do të zhvishet lakuriq dhe do të luajë rolin e një kameriereje të varur nga seksi në filmin e ri, të quajtur “Florence”.
Vetëm disa ditë pasi ishte pajtuar të luajë rolin e njërës nga anëtaret e familjes së vrasësit Charles Manson ne filmin “The Manson Girls”, Lohan ka arritur një marrëveshje tjetër për të luajtur në një tjetër film kontrovers.

Sipas revistës “Star”, 21-vjeçarja do të fitojë vetëm 75 mijë dollarë për ta luajtur këtë karakter të shprishur. “Ajo vetëm ka dëshirë që t’u përkujtojë kompanive filmike se di të aktroje dhe se ia vlen të punësohet në ndonjë film”, ka thënë një burim i revistës.