“Top-fest 5” mbledh këngëtarët më në zë!

Listës së këngëtarëve që kanë vendosur të konkurrojnë në “Top fest 5” po i shtohen përditë emra të famshëm të muzikës shqiptare nga Shqipëria, Kosova dhe viset tjera shqiptare. Në këtë festival të të rinjve, kanë vendosur të konkurrojnë edhe dy etheistët e “Etheve” të fundit, fituesja e tyre, Kejsi Tola dhe vajza nga Gjakova Dorina Xërxa e cila arriti të renditet e treta në “Ethe”. Pjesë e “Top Fest 5” janë bërë edhe Kamela, Vesa Luma, Stine, Ingrid Gjoni... Në “Top Fest 5”, ndryshe nga edicionet e tjera, përveç votave të publikut këngëtarët do të vlerësohen edhe nga një juri profesioniste. Lajmin e ka bërë të ditur vetë drejtori artistik i festivalit Bojken Lako. Këtë vit nuk do të jetë vetëm publiku, ai që do të vendosë në lidhje me çmimin e parë. Dhe kjo për shkak të ngritjes së nivelit profesional dhe të barazimit të vlerave monetare me vlerën e këngës. Festivali ka rreth 150 pjesëmarrës.