Paris Hilton kopjon Nicole Richien

Bukuroshja Paris Hilton, e cila aktualisht është duke e shoqëruar të dashurin Benji Madden, i cili është në turne me grupin e tij “Good Charlotte”, dëshiron të ndjekë hapat e mikeshës së saj, Nicole Richie, duke u stabilizuar dhe duke filluar familje.
Por, Nicole, e cila është e fejuar dhe ka një foshnjë me vëllanë binjak të Benjit, Joel, i cili po ashtu është anëtar i bendit, thuhet se ka akuzuar Parisin se kopjon gjithçka çfarë ajo bën.

“Nicole është e tërbuar pasi që nuk mund të shkojë në turne me ta, sepse duhet të qëndrojë në shtëpi për tu kujdesur për vajzën e vogël, Harlow, derisa Paris gjendet atje, duke bredhur me të dashurin e saj dhe vëllaun e tij. Nëse Paris mbetet shtatzënë, Nicole do të çmendet. Ajo mendon se Paris kopjon gjithçka që ajo bën”, ka thënë një burim.