Kelly Brook ndahet nga i fejuari

Aktorja Kelly Brook dhe i fejuari i saj, Billy Zane janë ndarë. 28-vjeçarja vendosi t’i japë fund lidhjen me yllin e filmit “Titanic”, gjatë muajit të kaluar, pasi që kishte kuptuar se është mjaft e re që të “rehatohet”.
“Pas një kohe të kaluar së bashku, Kelly vendosi se Billy nuk është personi me të cilin ajo dëshiron të martohet dhe e ka anuluar fejesën. Ndarja është tërësisht miqësore dhe ata mbeten miq të mirë”, ka thënë një burim i afërt me Kellyn.

Billy, 42-vjeçar, është larguar nga shtëpia në të cilën çifti ka banuar në Angli dhe është rikthyer në Los Angeles. Ata kishin planifikuar të martohen vitin e kaluar, por e kishin shtyrë për shkak të vdekjes së babait të Billyt.