Jolie dhe Pitt vendosen në Francë

Angelina Jolie është vendosur në Villa Maryland në St Jean Cap Ferrat, duke nxitur spekulime se ajo dëshiron ta lindë fëmijën e dytë "natyral" në Francë.
Sipas raporteve lokale, aktorja, partneri i saj Brad Pitt dhe katër fëmijët e tyre, të hënë kanë fluturuar drejt Nice, Francë, dhe se ata po planifikojnë të qëndrojnë një kohë më të gjatë atje. Ndërkohë me familjen kanë udhëtuar edhe dy dado dhe tre truproje.

Çifti pritet të qëndrojë në St Jean Cap Ferrat, së paku deri në përfundimin e Festivalit të Filmit të Cannes (25 maj), ku Jolie konkurron me dy filma, filmin e animuar, “Kung Fu Panda” dhe filmin e Clint Eastwoodit, “The Changeling”.