Besarta më e votuara on line

Një sondazh i hapur që në fillim të spektaklit “Big Brother” në një nga sitet shqiptare të internetit, ka dhënë tre ditë më parë rezultatet e saj. Në fakt aty kërkohej të votohej se cili është për ju personazhi më i pëlqyer tek shtëpia e “Big Brother”, duke futur në sondazh emrat e të gjithëve, pavarësisht janë brenda apo jashtë.
Dhe rezultati ishte ky: Besarta merr vendin e parë me 25% të votave, në vend të dytë është Arbri me 18% të votave, në vend të tretë del Shkëlqimi më 17 % të votave. Mbase shumë prej jush mund të mos jeni dakord me rezultatin e këtij sondazhi pasi në opinionet e përditshme thuhet se Besarta duhej të kishte dalë nga shtëpia pasi performanca e saj brenda është shumë pjatë dhe nuk ofron më asgjë. Mirëpo duhet ta dini se votimet ishin on line dhe kjo mbase shpjegon kaq shumë vota për Besartën pasi kosovarët kanë një edukatë më të madhe në përdorimin e internetit dhe ky ka qenë një rast i mirë për të mbështetur patrioten e tyre.