Hall: Mos u dashuroni në një 'Jagger'

Ish- supermodelja, Jerry Hall, ka kërkuar nga vajzat e saj që të mos bien në dashuri me një mashkull të tipit të Sir Mick Jagger, sepse rokeri është shumë i dhënë pas femrave.
Bukuroshja nga Teksasi, ka thënë se lidhja e saj 23 vjeçare me frontmenin e “Rolling Stones” ka qenë e shkatërruar nga pabesia e këngëtarit.
Për këtë arsye, 51-vjeçarja ka vendosur që të mos i lejojë vajzat e saja, Elizabeth, 21-vjeçe, dhe Georgia-May, 16-vjeçe, ta përsërisin gabimin e saj.
“Kurrë nuk do t’i lejoj të dalin me njerëz të dhënë pas femrave, edhe pse besoj se nuk do ta bëjnë një gjë të tillë pasi kanë më shumë vetëbesim se sa që kam pasur unë dikur” është shprehur ajo.