KAKA: Milani do të dështojë me këto dhuna...

Titulli: KAKA: Milani do të dështojë me këto dhuna... 15/11/2007, 01:01

Fantazisti i Milanit tha se kampionati italian po e humbet besueshmërinë dhe shpreson që gjendja të qetësohet

"Sot jam shumë i trishtuar." Riki Kaka mbështetet te dritarja. Shikon jashtë. Milano po largohet. Kishte frikë se nuk do të arrinte ta kapte fluturimin për në "San Paolo", por ja që ndeshja Atalanta Milan nuk u luajt. Dhe jo vetëm ajo. "Brenda dhomave tona të zhveshjes kishte heshtje të frikshme. U përpoqa të kuptoja se çfarë kishte ndodhur, në të vërtetë. Më thanë se ishte vrarë një tifoz, dhe se disa ndeshja nuk ishin zhvilluar. Në këtë mënyrë, shkatërrohet gjithçka." S'është vetëm faj i futbollit - Ai tundte kokën i mërzitur. Të arrish të heqesh buzëqeshjen nga fytyra e Kakasë është arritje gjigante. Fubolli italian ka arritur ta bëjë edhe këtë autogol tepër të rëndë.

Braziliani shfryu i pikëlluar. "Më parë 'Calciopoli', më pas agjenti i policisë, i vrarë në Katania. Dhe tani kjo tragjedi tjetër. Një tifoz i vdekur, ndërsa po shkonte të shihte ndeshjen. Janë të gjitha goditje të rënda që bien mbi botën tonë. E, megjithatë, nuk është faji i futbollit. Ose, të paktën nuk është vetëm faji i futbollit. Apo jo? Është problem i shtetit. Ç'faj mund të ketë futbolli, nëse një pikë shërbimi kthehet në teatrin e një lufte. Ndeshja Inter Lacio do të ishte luajtur me qindra kilometra larg vendit të incidentit dramatik." Lista po zgjatet - Disa pasagjerë dëgjojnë. Dikush mund të kishte dëshirë t'i jepte kurajë kampionit të Milanit, por fjalë nuk i dilnin. Kakaja vazhdoi më tej. Konceptet e tij janë të rënda, si shkëmbinj. "Të gjitha këto akte dhune rrezikojnë t'i largojnë kampionët nga Seria jonë A.

Pas pak orësh, në grumbullimin e Selesaos shumë prej kolegëve të mi do të më pyesin: "Riki, çfarë ka ndodhur në Itali? Kush ka vdekur? Përse nuk luajtët?". Yjet duan të luajnë në skuadra të mëdha. Në Itali ka disa prej klubeve më prestigjoze në botë, por kërkojnë edhe gëzim, entuziazëm. Mendoni se ndokush prej nesh do të kishte festuar, nëse Milani do të kishte fituar kundër Atalantës? Ju përgjigjem unë, askush! Italia po e humbet besueshmërinë. Jua përsëris: Calciopoli, agjenti që vdiq në Katania, tani tifozi i vrarë. Lista po zgjatet shumë." Ai e mendon sërish atë të diel të tmerrshme dhe dhe i vjen në mendje se ç'mund të ndodhë në të ardhmen. "Tani ultrasët do të përpiqen të hakmerren. A do të përfundojë ndonjëherë kjo histori? Duhet të ndalemi një çast dhe të reflektojmë. Nëse shpërthen një luftë mes policisë dhe tifozëve më të nxehtë, atëherë futbolli në Itali do të rrezikojë me të vërtetë që të vdesë. A e duam ne këtë? Unë jo! Edhe ata që mendojnë si unë duhet të ndërhyjnë menjëherë."

» Kaka nuk do te luaje ne derbin e Milanos