Dafina: Dua të jem e pavarur

Dafina Zeqiri i ka dhënë fund bashkëpunimit me Genc Prelvukajn dhe produksionin e tij "Gramafon Entertainment", pasi që ka vendosur ta menaxhojë vetë karrierën e saj.
Këngëtarja e cila jeton në Suedi, ka bashkëpunuar për një vit me Gencin, me ç’rast albumi i parë i saj, “Knockdown”, është menaxhuar plotësisht nga “Gramafon Entertainment”.

“Ne kemi pasur një bashkëpunim shumë të mirë me njëri-tjetrin. Albumi i cili është dalë muaj më parë në shitje ka arritur një sukses të madh dhe unë jam shumë i kënaqur për këtë”, ka thënë Genci për të përditshmen “Zëri”.

“Unë i falënderohem Gencit dhe produksionit ‘Gramafon’ për punën dhe bashkëpunimin që e kemi pasur. Arsyeja e largimit tim është vetëm se unë kam dashur të që të jem e pavarur dhe të punoj edhe me kompozitorë tjerë”, ka deklaruar Dafina, e cila tani menaxhohet nga nëna e saj.