Peshkataret Durrsak kapin Peshkaqenin 300 Kg

Ne rrjetat e peshkatareve durrsake ra dje nje peshkaqen 300 kg, bashke me 6 te vegjlit e tij, si edhe nje breshke uji

DURRES - Peshkaqeni i pare per kete vit qe ra ne rrjetat e peshkatareve durrsake, ne ujerat e thelle te detit Jon, duhet te jete gatuar tanime ne ndonje restorant italian. Peshkaqeni i llojit pellumb, i cili, per hir te se vertetes, nuk njihet si me “i forti” ne kete kategori, me nje peshe prej 300 kg dhe gjatesi prej 4 metrash, ra mengjesin e djeshem ne rrjetat e anijes “Panajot Papa”, ne rreth 300 metra thellesi ne ujerat e thelle te detit Jon. Sipas kapitenit te kesaj peshkarexhe, Erion Troplinit, peshkaqeni u “peshkua” me rrjetat e tyre ne zonen midis Karaburunit dhe ishullit te Sazanit, ne nje thellesi relativisht te madhe, prej afro 300 metrash. Troplini beri te ditur per gazeten, se peshkaqeni eshte nxjerre gjate nates nga rrjetat, por ai mendohet se eshte futur ne ate zone nga kanali i Otrantos. “Peshkaqene te tille nuk lundrojne ne kete zone, por vijne nga zona me te largeta”, thote kapiteni i anijes, qe shton se mishi i tij eshte mjaft i lakmuar nga restorantet e Durresit dhe Tiranes, per shkak te cilesise dhe shijes se tij.