Presidenti Sejdiu mbërrin sot në Tiranë.

Presidenti i Kosovës, Fatmir Sejdiu, mbërrin sot në vendin tonë për vizitë dy ditore, me ftesë të kolegut Bamir Topi. Ndalesa e parë është Pallati i Brigadave, ku dy kryetarët, të shoqëruar nga delegacionet respektive do të zhvillojnë bisedime. Në fokus janë marrëdhëniet dypalëshe, si dhe ecuria e njohjes së pavarësisë së Kosovës. Më tej, Sejdiu do të mbajë një fjalim në kuvend, për të vijuar takimet me kryeparlamentaren Topalli e kryeministrin Berisha. Ndërkaq, nesër, në ditën e dytë të qëndrimit në Shqipëri, presidenti kosovar, ndalon në Shkodër, si dhe do të inspektojë punimet në segmentin Rrëshen-Kalimash, pjesë e rrugës strategjike Durrës-Kukës-Prishtinë.