EULEX-i, hap i rëndësishëm për vendosjen e ligjit në Kosovë

Ministri i Jashtëm britanik, David Miliband ka përshëndetur vendosjen e misionit EULEX në Kosovë, duke e konsideruar atë një hap të rëndësishëm drejt vendosjes se ligjit për të gjithë qytetarët e Kosovës.



Përmes një deklarate, të cilën e përcjell Ambasada e Britanisë në Prishtinë, Miliband është shprehur se nisja e misionit EULEX është tepër e rëndësishme dhe se qeveria e Kosovës duhet të bashkëpunojë duke marrë në konsideratë shqetësimet e serbëve dhe minoriteteve të tjera që jetojnë në vend.

"Bashkëpunimi me EULEX është një tregues i rëndësishëm edhe për integrimin e Kosovës në Evropë”, thekson ndër të tjera Miliband në deklaratën e tij.