Nis hetimi ndaj mbivendosjes së pronave në bregdet

Mbivendosja e pronave në bregdet ka vënë nën hetim zyrtarë nga Agjencia e Kthimit dhe Kompensimit të Pronave e të kadastrës në Hipotekën e kryeqytetit. Prokuroria e Tiranës, po heton një skandal, në zonën e “Gjirit të Gjeneralit”, në komunën Synej të Kavajës. Ish-kryetari i AKKP-së, Tunxh Vatnikaj është zyrtari më i lartë, në hetim. Përmes një procesi me mangësi ligjore, dyshohet se 100 hektarë tokë shtetërore janë përdorur padrejtësisht, në favor të disa personave që pretendojnë se janë pronarë legjitimë.