Nora dhe Jehona, ‘të preferuarat’ e Steven Schook

Lajmi i publikuar për “dobësitë” e zv.- shefit të UNMIK- ut Steven Schook, ndaj dy këngëtareve të mirënjohura kosovare, ka shqetësuar së tepërmi njërën prej tyre. Ndërsa Nora Istrefi emri i së cilës është lakuar në këtë aferë nuk ka reaguar, Jehona Sopi i ka quajtur gënjeshtra të gjitha të thënat për të. Miqtë e saj, kanë njoftuar se Jehona i sheh këto si shpifje të pabaza dhe dashakeqe duke u shprehur tepër e sigurtë se nuk ka pasur asnjë lidhje me ndonjë nga zyrtarët e UNMIK-ut. Revista ka tentuar t’i kontaktojë të dyja këngëtaret lidhur me këtë çështje, por ka qenë e pamundur të lidhet me to, ndërsa gjithmonë dëgjohet sekretaria telefonike. Raportet e fundit të OKB-së që hetojnë zv.shefin e UNMIK-ut Steven Schook, kanë pohuar se i dyti i administratës ndërkombëtare ka lidhje shumë të afërta me shumë kosovarë, e ndër to edhe me këngëtaret e njohura. Është pohuar se ai është mjaft i tërhequr dy këngëtaret, ndërkohë që në kryeqytetin kosovar, Schook njihet si një “merakli” i femrave të bukura.