Memli Krasniqi kandidon për deputet

Është ndër të paktët këngëtarë mes atyre shqiptarë dhe kosovarë
emrin e të cilit e shohim në listën e kandidatëve për deputetë. Bëhet fjalë për Memli Krasniqin, anëtarin e dikurshëm të grupit “Ritmi i rrugës”, të cilin e gjejmë në listën e kandidatëve për zgjedhjet e këtij viti në Kosovë. Lajmi bëhet i ditur nga revista albaniac në internet, ku thuhet se Memli do të kandidojë nën ngjyrat e PDKsë duke synuar në këtë mënyrë të jetë zëri i të rinjve ne Kuvendin e Kosovës”. E njëkohësisht ky lajm është bërë i ditur edhe në gazetat kosovare, gjatë kohës së fushatës elektorale, gjatë së cilës Memli ka dalë pikërisht me këtë slogan. E ndërsa publiku shqiptar e njeh Memlin vetëm për aktivitetet e tij artistike duket se në Kosovë imazhi i këtij djali të ri ka edhe një tjetër anë shumë interesante.
E ndërsa ka punuar si gazetar për “AP”, drejtor për Marrëdhëniet Publike në Qendrën e Telemjekësisë, udhëheqës i Departamentit të Rinisë së PDK-së, drejtues në Qendrën për Studime Politike, anëtar i kryesisë së PDK, ligjërues në kolegjin “Victory”. Në adresën e tij zyrtare në internet lexojmë gjithashtu se Memli është diplomuar për Marrëdhënie Ndërkombëtare,
Shkenca Politike dhe Administratë Publike. Kjo CV dhe ndoshta edhe afirmimi i tij në publik, përmes muzikës, pse jo e bëjnë Memlin një kandidat dinjitoz në zgjedhjet e Kosovës.