“Benjamin Button” ka ndryshuar jetën e Pitt

Brad Pitt ka thënë se filmi “The Curious Case Of Benjamin Button” ka qenë faktor ndryshimi për mënyrën se si ai e sheh jetën.



“Kam kuptuar se jeta është e shkurtër. Nuk mund ta di nëse kam një ditë, 10 ditë ose 10 vite ose 40 vite. A jam në gjysmë të jetës ose jam afër fundit?”, ka thënë Pitt.

“Nuk e di, andaj duhet të jem i sigurt të mos i humb këto momente në gjëra të vogla ose hidhërime ose në gjëra të kota”, ka shtuar aktori.

Aktori është i nominuar edhe për Oskar, në kategorinë aktori më i mirë në rol kryesor, për portretizimin e njeriut i cili zbret në vite gjatë jetës së tij.