Paltrow: Martesa është në rregull

Aktorja Gwyneth Paltrow ka hedhur poshtë thashethemet se martesa e saj me frontmenin e bendit "Coldplay", Chris Martin, është para shkatërrimit, duke këmbëngulur se çifti thjesht[ nuk dëshiron të flasë për marrëdhënien e tyre publikisht.



Çifti, i cili është në martesë qe gjashtë vite dhe ka dy fëmijë bashkë, kanë qenë temë e spekulimeve se do të ndahen. Por 36-vjeçarja Paltrow ka thënë se as nuk është në ndonjë plan të tyre.

"Nuk na shkon për shtati ne që të jemi një çift publik", ka thënë ajo për revistën Elle.
"Prandaj është më mirë edhe nëse mbesim të tillë. Ne nuk do të ecim asnjëherë në qilim të kuq edhe nëse njerëzit mendojnë se ne nuk jemi së bashku... ha, ha, ha.... ashtu qoftë", ka shtuar ajo.