Allen dëshiron një rol në X Factor

Këngëtarja britanike Lily Allen ka vendosur të konkurrojë ndaj Victoria Beckham dhe Charlotte Church për të fituar një rol në jurinë e shout britanik për talentë, "The X Factor", për faktin se ajo dëshiron të jetë në panel.


Bosi i spektaklit Simon Cowell dëshiron ta nga zëvendësojë njërën panelistet aktuale, Dannii Minogue, për ta freskuar paksa shoun para fillimit të sezonit të ri.

Cowell dëshiron që në juri ta ketë anëtaren e dikurshme të grupit “Spice Girls”, Victoria Beckham, të cilës i ka ofruar 1.4 milion dollarë për t’iu bashkëngjitur anëtares së grupit “Girls Aloud”, Cheryl Cole, dhe menaxherit irlandez të muzikës, Louis Walsh, të cilët janë në juri. Ndërkaq, Lily Allen ka shprehur vetvetiu dëshiron për të qenë pjesë e spektaklit.

“Nuk më kanë ftuar, mirëpo kam dëshirë të madhe të jem aty. Është një program shumë i mirë dhe mendoj se unë do të isha shumë e mirë”, ka thënë Allen për “The Sun”.