Sun dhe Intel e ringjallin partneritetin - Xeon kthehet

Sun dhe Intel e ringjallin partneritetin - Xeon kthehet

Në konferencë për shtyp këtë javë, Sun Microsystems ka deklaruar se është duke e ringjallur dhe zgjeruar partneritetin me Intel. Ky lajmërim ka të bëjë fillimisht me deshiren e Sun që ti lëshon në treg disa prodhime të reja të ndërtuara me çipat Xeon të Intel. Sun do të vazhdon të ofron sisteme x86 të bazuar në procesorët e AMD, por si duket fokusi i kompanisë është në prodhimet e Intel.

Nga ana e vet, Intel deklaroi se do ti dedikon resurse inxhinierike, dizajnuese dhe të marketingut për Solaris, gjë që e bën OS-in e Sun të përkrahur nga Intel deri në një nivel. Intel do të fillon shitjen e Solaris për x86.

Kjo marrëveshje tregon se Intel është duke e fituar tregun e serverave kundër AMD. Fillimisht çipat Xeon nuk ishin të përshtatshëm për Sun mbasi që kërkonin shumë energji dhe lironin shumë nxehtësi. Tani, me ndryshimin e tregut, Sun gjithashtu është duke lëvizur drejt Intel.

Por çka do të thotë e tërë kjo për Intel? Me ndryshimin e pejsazhit të teknologjisë procesorike, kompanitë e mëdha softuerike janë duke ardhur në konkludim se prania e njohurisë inxhinierike për harduer (dhe softuerike nëse kompania prodhon harduer) është e domosdoshme për ta arritur nivelin e duhur të integrimit në nivel të dizajnit mes softuerit dhe harduerit. Intel është duke e bërë këtë përmes partneriteteve me Apple si dhe Sun.

Duke i ofruar inxhinierët e vet për të punuar në Solaris, Java dhe prodhime tjera të Sun, Intel do të ketë mundësinë ta hyn më thellë në shtresen softuerike të një tregut shumë të rëndësishem dhe zgjerues, serveret x86 për nevoja të rënda. Kjo do të thotë se Intel e ka syrin shumë afër zhvillimeve në këtë treg, si dhe i ka mundësuar të investon në katër zona kyçe të tregut për x86: Windows, Linux, Mac OS X dhe Solaris.

» Mc Hammer Kthehet.