Plagoset me armë, roja i banesës së ambasadorit amerikan

Plagoset me armë zjarri, roja private e banesës së ambasadorit amerikan në Athinë. Sipas korrespondentit tonë, Artur Bibe, incidenti ndodhi paraditen e sotme, në sheshin Mavili të kryeqytetit grek, kur as diplomati apo pjesëtarë të familjes së tij, nuk ndodheshin në rezidencë. Praprakisht, mësohet se bëhet fjalë për një ngjarje aksidentale dhe roja u godit nga plumbat e armës së kolegut, me të cilin po kryente shërbimin. Ndërsa vazhdojnë hetimet, ambasada e Uashingtonit, e quajti episodin, të rastësishëm.