Kuba zbulon arkivin e Heminguejit

Titulli: Kuba zbulon arkivin e Heminguejit 9/2/2009, 01:03

Kuba zbulon arkivin e Heminguejit

Kuba çel për të gjithë të interesuarit arkivin e shkrimtarit të madh nobelist Ernest Heminguej.

Me mijëra dokumente që i përkisnin shkrimtarit fitues të çmimit Nobel janë skanuar për t’u ardhur në ndihmë të interesuarve dhe studiuesve nëpërmjet kopjeve elektronike të këtyre dokumenteve. Arkivi përfshin foto, letra, dorëshkrime si dhe një epilog të papublikuar të romanit të tij “Për kë bien kambanat”. Të gjitha materialet janë ruajtur në qilarin e banesës së shkrimtarit në Havana dhe hedhin dritë mbi jetën e tij në ishull ku Hemingueji qëndroi për 20 vjet.
Janë dixhitalizuar kështu 3.194 faqe që u përkisnin rreth 2 mijë dokumenteve dhe është hera e parë që ato mundësohen për publikun e gjerë. Rreth 1mijë dokumente të tjera presin të skanohen thonë autoritetet ndërsa rrëfejnë se bëhet fjalë dhe për mesazhe të koduara të dërguara drejt nëndetëseve gjermane që operonin përtej ishullit si dhe për 3500 foto e 9 mijë libra të cilat ruajnë ende shënimet e Heminguejit anas faqeve. Kërkesat për kopjet elektronike do t’i drejtohen Këshillit të Trashëgimisë së Kubës.

» Minogue zbulon lidhjen e re
» 'NIRVANA', zbulon ditarin e Kurt Cobain !
» Mars, sonda Phoenix zbulon uje te lengshem
» NASA zbulon pasuesin e teleskopit (telesklip) Hubble