Beckham, Galaksi refuzon ofertën e “Djallit”

Titulli: Beckham, Galaksi refuzon ofertën e “Djallit” 9/2/2009, 03:57

Beckham, Galaksi refuzon ofertën e “Djallit”

Drejtori i përgjithshëm i Los Anxhelesit, Tim Leiueke kërkon 15 milionë euro, ndërsa Milani jep 5.
Bisedimet për të mbajtur Devid Bekhamin në Milano, kanë nisur. Los Anxheles Galaksi kërkon 15 milionë euro, por kuqezinjtë nuk duan të japin më shumë se 5 milionë. Tim Leiueke, drejtori i i përgjithshëm i “AEG”-së, shoqëria që ka në pronësi klubin kalifornian, ka pohuar: “Morëm një ofertë dhe nuk e pranuam”. Tani pritet që Milani të rrisë ofertën dhe të bëjë një propozim më të përshtatshëm. Bekhami duhet ta lërë Milanin më 9 mars për t’iu bashkuar Galaksisë dhe përgatitur sezonin e ri të kampionatit amerikan. “Duhet ta mbyllim me shpërqendrime, me cirk dhe kopshtin zoologjik, - vazhdon Leiueke. - Nëse Devidi kërkon ta ndihmojë skuadrën tonë, duam që të rikthehet. Nëse ka një dëshirë të çmendur të na ndihmojë dhe të lërë shenjë në fushë, gjë që akoma s’është verifikuar, atëherë ai është një element i rëndësishëm i këtij ekipi dhe qëllimi ynë është ta kthejnë këtu”. Në të vërtet lojtari ka dalë hapur: kërkon të qëndrojë te Milani. “Do të flasim, - shpjegon drejtuesi i lartë i Los Anxhelesit, - nëse Devidi kërkon ta mbyllë sezonin te Milani dhe nëse Milani do të bindë Galaksinë në mënyrë që ne të mos pësojmë dëme për sa i takon skuadrës dhe tifozëve”. Pra, çështja duket e mundur: “Por ne e kemi thënë qartë që e presim Devidin këtu në 9 mars. Ata janë dakord dhe e dinë se kontrata është e jona. Milani duhet ta kuptojë që gjërat bëhen vetëm nëse Galaksi përfiton të ardhura. Nëse Galaksi do të jetë më mirë pa Bekhamin, atëherë do të mendojmë. E kuptojmë qëllimin e Bekhamit që po luan në një nga klubet më popullore në botë. Dhe e kuptojmë që Devidi po përpiqet të mësohet me idenë të kthehet të luajë me një skuadër që nuk arriti të kualifikohet në “play off-”in e kampionatit amerikan, - komenton Leiueke. - Po flasim, por këto nuk janë çështje gjyqësore. Ai nuk ka avokatë që studiojnë kontratën. Devidi e ka sqaruar që do të kthehet nëse ne vendosim ta sjellim këtu. Ky është një moment i rëndësishëm në jetën e tij dhe unë nuk dua ta shpërqendroj. Nuk kemi folur, ndonëse gazetat kanë shkruar shumë. Një tjetër huazim? Ne nuk pranojmë”.

Titulli: Re: Beckham, Galaksi refuzon ofertën e “Djallit” 9/2/2009, 03:58

Në krah të Devidit
Viktoria ndryshon mendje, zbarkon në Milano
Për të planifikuar të ardhmen Devid Bekhamit në Milano, po lëviz edhe gruaja e tij Viktoria, që dje mbërriti në Itali për të folur mbi situatën dhe në mbrëmje ishte në tribunën e “San Siro”-s për ndeshjen me Rexhinën. Me të ishin edhe tri fëmijët dhe si dhe prindërit e saj dhe ata të Bekhamit. Një samit familjar pra, për të vendosur për të ardhmen e Bekhamit. Edhe Viki me sa duket po ndryshon ide mbi të ardhmen futbollistike të të shoqit. Fillimisht, ish-këngëtarja e famshme e grupit muzikor anglez “Spice Girl” nuk ishte dakord me zgjedhjen që Devidi kishte ndër mend të bënte për të qëndruar në Itali, por ditët e fundit, një mbështetje të madhe për kauzën “Bekham”, po jep edhe ajo. Me siguri do të jetë e vështirë me udhëtimet transoqeanike nga SHBA-ja në Europë, por edhe për këtë duket se është gjendur zgjidhja. Viktorias i është afruar një vend pune si moderatore në Angli në një televizion për një emision spektakli. Ideja se mund ta jetë shumë pranë të shoqit, por edhe milionat e eurove që mund të përfitojë, e kanë bërë të reflektojë, sa që në këto momente të rëndësishme të karrierës së Bekhamit udhëton me mijëra kilometra për t’i qëndruar afër. Ndërkohë në miqësoren që Anglia do të luajë të mërkurën kundër Spanjës në Sevilje, “Spice Boy” mund të regjistrojë ndeshjen e 108 me fanellën e “luanëve”, duke thyer rekordin e Bobi Murit.

» Aniston refuzon oferten e Playboyt
» McCartney refuzon
» Houston refuzon baladat