Ronaldo: Ibra, kupat i kam unë

Titulli: Ronaldo: Ibra, kupat i kam unë 9/2/2009, 04:05

Ronaldo: Ibra, kupat i kam unë

Portugezi i lëshon sfidën sulmuesit të Interit në kuadrin e ndeshjes së Championsit
Sinjale dhe mesazhe. Nga Mançesteri te Interi. Kthehet Runi sot për sfidën kundër Uest Hemit. Parulla e klubit të Mançesterit është “trofe”. Djajtë e Kuq flasin për një sezon rekordesh: pas Botërorit të Klubeve të fituar në dhjetor, kanë vendosur të fitojnë edhe disa trofe të tjerë: Premier Ligën, Ligën e Kampionëve, Kupën e Ligës dhe Kupën e Anglisë. Fergusoni, muajin që shkoi, mori çmimin e trajnerit më të mirë të janarit, falë rekordit prej 12 ndeshjesh pa pësuar gol. Vidiç i bën shoqëri me çmimin e lojtarit më të mirë të muajit. Kristiano Ronaldo rindez sfidën kundër Mourinjos dhe Interit.
Paralajmërimi - Prioriteti absolut është mbajtja e kurorës në Europë. Asnjë skuadër nuk e ka fituar dy herë radhazi që prej sezoneve 1989 e 1990, kur ishte Milani që triumfonte. Por Fergusoni dhe lojtarët e tij janë ambiciozë. Ronaldo ka thënë: “Interi është një skuadër e fortë, me lojtarë të mëdhenj. Por ne jemi më të mirë dhe besoj se do t’i mundim. Duke eliminuar Interin do të ndihemi një hap më pranë finales”.
Antipatia - Edhe pse janë të dy portugezë, Hoze Mourinjo nuk është treguar kurrë i butë ndaj Ronaldos. Në prill të vitit 2007, polemika mes tyre arriti kulmin. “Mourinjo nuk ka pse merret me gjyqtarët, por duhet të pranojë përgjegjësinë e rezultateve të veta te Çelsi”, i ka thënë atëherë Ronaldo një televizioni portugez. Dhe kundërpërgjigja nuk vonoi. “Mes meje dhe Ronaldos nuk ka polemikë është përgjigjur Mourinjo -. Këto janë fjalët e një djaloshi të papjekur që nuk ka respekt. Ndoshta janë pasojë e një fëmijërie të vështirë pa arsimim”. Kur Ronaldo fitoi Topin e Artë, Mourinjo deklaroi se nuk ishte dakord. “Preferoj Ibrën”, tha ai atëherë. “Respektoj opinionin e të gjithëve - është kundërpërgjigjur Ronaldo, - por trofetë janë në shtëpinë time”.
Telashe në horizont - Por në shtëpinë e tij tashmë mungon një Ferrari model 599 GTB Fiorano, e shkatërruar në aksidentin e 8 janarit në tunelin e aeroportit të Mançesterit. Ekspertët e Ferrarit kanë vlerësuar se makina që kushtonte 200.000 euro kishte funksionuar si duhet, por ka qenë pakujdesia e lojtarit. Kjo do të thotë se Ronaldo mund të përballet me akuzat për drejtim të rrezikshëm të makinës.

» Ibra-Kaka, me te paguarit e vitit 2008
» Cristiano Ronaldo si Maradona dhe Pele
» C.Ronaldo: E dua Manchesterin
» C.Ronaldo ne vemendjen e te gjithve...
» C.Ronaldo, Xhordani i futbollit..!!