“Denis më pushoi nga puna, mendonte se isha gay”

Titulli: “Denis më pushoi nga puna, mendonte se isha gay” 9/2/2009, 15:49

“Denis më pushoi nga puna, mendonte se isha gay”

Drejtuesi i McLarenit akuzohet për diskriminim nga një ish-nëpunës
“Ron Denis më shkarkoi nga puna, sepse mendonte se unë isha homoseksual.” Piter Bolan, 27 vjeç, drejton gishtin kundër pronarit të McLarenit dhe bën një padi ligjore për humbjen e punës në vitin 2007.
I punësuar në shoqërinë ajërore, e cila merrej me avionin privat të Denisit, Boland u hoq nga puna pas pesë vitesh shërbim, sepse e kishte zënë gjumi gjatë fluturimit. Por gjatë seancës gjyqësore në Sauthempton, faktet dolën ndryshe dhe 27-vjeçari tha: “Kolegët filluan të hapnin thashethemin se unë isha gay.
Në ato momente, sjellja e Denisit ndryshoi në mënyrë radikale. Në maj të 2007-s më kapën duke fjetur, por, në fakt, nuk kishte punë dhe avioni nuk do të udhëtonte për shtatë ditë. Atje më thanë të largohesha vetë, ose të ankohesha në gjykatë. Zgjodha këtë të fundit. Jua garantoj se nuk ishte e lehtë të shpjegoje faktin se nuk isha homoseksual”.
Më pas, Boland vazhdon: “Mënyra si fliste Denis ishte me të vërtetë e neveritshme; njerëzit e tij më ofruan 80 mijë sterlina për t’u larguar pa lënë gjurmë”. Britaniku nxjerr në pah edhe një tjetër aspekt të Ron Denisit. “Një ditë u duk shumë i përzemërt, teksa priti gjithë ditën investitorë nga Arabia. Sa mbaroi mbledhjet, tha: Gjithë këta arabë nuk kanë bërë gjë tjetër, veçse ma shtojnë dëshirën për të bërë një dush”.

» Ron Denis, akuzat dhe gjykata!
» Jennifer Lopez pushohet nga puna