Kosovë, ndalohen 40 fëmijë romë nga Shqipëria

Policia e Kosovës ka ndaluar gjatë fundjavës, 40 fëmijë romë, që lypnin rrugëve të Prishtinës dhe i ka kthyer në Shqipëri. Sipas burimeve policore kosovare, qindra romë janë shpërngulur nga Shqipëria për në Kosovë, që prej vitit 1999, dhe pjesa më e madhe e tyre bredhin rrugëve të Prishtinës, duke lypur, duke larë xhamat e makinave, apo duke shitur gjëra të vogla. Nga Shqipëria është pranuar se pjesa më e madhe e romëve janë shpërngulur nga Fieri, Fushë Kruja, Elbasani, Tirana, Berati e Shkodra, ndërsa kanë hyrë në Kosovë, jo nga pikat e njohura kufitare.