Grammy Awards, Plant mori 5 çmime

Ish-vokalisti i grupit Led Zepelin (Led Zeppelin), Robert Plent (Robert Plant) dhe Ellison Kraus (Alison Krauss), Koldplej (Coldplay) dhe repistja Lil Uejn (Lil Wayn) dominuan natën e ndarjes së çmimeve Gremi (Grammy Awards), një eveniment i rëndësishëm i botës muzikore, që mbahet për të 51-tin vit me radhë.
Plant, 60 vjeç mori 5 çmime, Lil Uejn 4, dhe Koldplej 3.
“Jam i ekzaltuar. Në kohët e vjetra, ne do t’a quanim këtë një humbje kohe, por mendoj se është një mënyrë e mirë për të kaluar të dielën”, tha Robert Plent, pasi mori çmimet.
Ndërsa pjesëtari i grupit Koldplej, Uill Çempion (Will Champion) tha se kjo "është e pabesueshme”. “Dua t’iu falënderoj pikësëpari dhe të shpreh keqardhjen për Pol Makartnin”, u shpreh basisti i grupit.
Ceremonia përfshiu performancën nga U2, që njoftuan për singëllin e ri “Get on Your Boots’, dhe Pol Makartnin (Paul McCartney) së bashku me bateristin Dejv Grol (Dave Grohl) të grupit Fu Fajters (Foo Fighters.
Ndër fitueset ishte dhe Xhenifer Hadson (Jennifer Hudson), e cila erdhi në këtë ceremoni pas dramës familjare të vitit të kaluar, pas vrasjes së nënës dhe vëllait të saj në mënyrë misterioze. Hadson ia dedikoi fitoren familjes së saj në parajsë dhe atyre që ishin të pranishëm në sallë.
Të pranishëm në ceremoni ishin edhe Xhastin Timbërlejk (Justin Timberlake), ylli i muzikës Ar and Bi (R&B), Al Grin (Al Green). Por mungoi Rihana, e cila e anuloi pjesëmarrjen në Gremi. Çmimet Gremi, që festuan 51 vjetorin, konsiderohen si nderimet më të larta për muzikantët dhe këngëtarët.