Kudrow: Do të luaja në filmin "Friends"

Aktorja e hit-serialit komik "Friends", Lisa Kudrow, pohon se asaj do t’i pëlqente të luajë në një version filmik të serialit të famshëm, por me kusht që të jetë i bazuar në origjinalin.



Kudrow, e cila ka luajtur rolin e Phoebe në komedinë serike të viteve të nëntëdhjeta, thotë se do t’i thoshte PO idesë për të xhiruar një film, i cili do të kishte pikë referimi serialin “Friends”.

“Mendoj se gjithçka do të varej nga skenari. Mirëpo, gjithmonë kam menduar se nëse realizohet filmi atëherë duhet të jem aty. Megjithatë, mendoj se do të ishte vështirë realizimi i një filmi, sepse ‘Friends’ është realizuar përpara publikut me shumë kamera, nuk është njësoj sikurse ‘Sex and the City’”, ka shpjeguar Kudrow.