Banka Qendrore: Ulen të ardhurat nga emigrantët

Gjatë 2009-ës, shumat e parave, që emigrantët do të sjellin në vend-lindje do të pësojnë një rënie të ndjeshme. Këtë fakt e ka nënvizuar banka qëndrore, sipas së cilës, edhe gjatë 2008-ës, është shënuar rritje e parave të kthyera në vendlindje nga emigrantët. Deri në fund të nëntorit të kaluar, shifra ishte 947 milionë euro, ose 1.1% më shumë se sa në 2007-ën. 26% e familjeve shqiptare, llogaritet të mbahen me paratë e emigracionit, ndërsa në zonat rurale kjo shifër arrin në 40%. Por dërgesat e emigrantëve do të bien, gjatë këtij viti, si pasojë e krizës globale, meqë shumë shqiptarë që punojnë në Itali, Greqi, Angli e SHBA po humbasin vendet e punës.