Kosovë: Sejdiu, reagon ashpër ndaj deklaratave të Ivanoviç

Presidenti i Kosovës Fatmir Sejdiu është treguar i ashpër në kundërpërgjigjen e tij për deklarimet e njërit prej liderëve të serbëve të Kosovës, Milan Ivanoviç. Dje ai kishte paralajmëruar se më 17 shkurt do t’i nxisë serbët që t’i djegin pikat doganore, duke thënë se vullneti i tyre është që ta djegin të gjithë Kosovën. Sipas Sejdiut, ata nuk do t’ia arrijnë qëllimit dhe se do të përballen me ruajtësit e rendit. Ndërkohë kryeministri Hashim Thaçi ka ftuar të gjithë qytetarët, pa dallim etnie, që të bashkohen në kremtimin e pavarësisë.