Këngëtari vuan prej 22 muajsh nga lemza

Një këngëtar thotë se karriera e tij ka marrë fund, duke qenë se prej 22 muajsh vuan nga lemza. Christopher Sands, 25-vjeçar, ka një lemzë të vazhdueshme dhe shpesh çdo dy sekonda. Për këtë arsye ka vështirësi kur flet, kur fle dhe kur ha. Ai thotë për “Daily Mail”:
“Natën e kaluar u shtriva në dysheme sepse nuk mund të marr frymë ashtu siç duhet. Të gjithë miqtë e kanë vënë re se jam më i dobët për arsye se ushqehem më pak”. Këngëtari thotë se e ka të pamundur të performojë me bandën e tij apo të gjej një tjetër punë. Për momentin jeton me ndihmën e personit të paaftë për punë. Ai thotë se ka provuar gjithçka, por pa asnjë rezultat.