Eddie Murphy nuk dëshiron ta shoh bijën e tij

Anëtarja e grupit Spice Girls, Mel B, ka shpresuar që bija e saj më në fund do ta njoh babanë e saj, aktorin Eddie Murphy. Megjithatë, ka mbetur e shokuar kur ai nëpërmes të avokatit e ka porositur që Angel Iris nuk i intereson fare.
Ish dashnorët është dashur të shihen në gjyqin e Los Angelesit që të merren vesh për të drejtat e vizitave për vajzën e vogël, mirëpo aktori komik ka thënë nuk është në interes të tij të takohet me të bijën.

"Mel është egërsuar. Kishte planifikuar që të sjellë vajzën në gjykatore që për herë të parë të shoh babanë e saj. Por, kur ka dëgjuar që Eddie në seancë do të dërgoj vetëm avokatin e tij, ka vendosur që të sillet në të njëjtën mënyrë", ka thënë një burim i afërt i këngëtares për revistën The Sun.

"Ajo është gjaku i tij. Por Eddie në tërë këtë tregim është shumë egoist. Për të Angel është vetëm një pengesë. Kjo është totalisht e padrejtë ndaj vajzës. Nëse nuk ka qenë i gatshëm të merr përgjegjësitë për veprimet e tij atëherë është dashur të mbajë zinxhirin e tij të pantallonave mbyllur me kohë" ka thënë i njëjti burim.