Martohen Eddie Murphy dhe Tracey Edmonds

Aktori komik Eddie Murphy, do të martohet me të fejuarën e tij Tracey Edmonds gjatë këtij vikendi në South Pacific, siç bën të ditur një burim i afërm i aktorit. Burimi ka thënë se çifti dhe anëtarët e familjes kanë arritur në Tahiti gjatë së premtes për një martesë të mbyllur për publikun.
Edmonds kishte zbuluar gjatë muajit tetor se ajo dhe Murphy planifikojnë të martohen para fundit të vitit 2007.

Ajo kishte thënë se parashikon “një ceremoni shumë intime”: “Martesa ime e radhës do të jetë shumë më e vogël se e para”.

Murphy i propozoi martesë Tracey Edmonds gjatë muajit korrik të këtij viti, derisa ishin duke shikuar televizor.

Ajo ka thënë se ai ka lëvizur rastësisht dhe pastaj e ka befasuar duke i rënë në gjunjë dhe duke i kërkuar dorën.