Përgatitje për festimet e pavarësisë në Kosovë

Titulli: Përgatitje për festimet e pavarësisë në Kosovë 15/2/2009, 17:39

Përgatitje për festimet e pavarësisë në Kosovë

Nën moton “Ecja në pavarësi”, Kosova përgatitet të festojë njëvjetorin e shpalljes së pavarësisë. Qeveria e Kosovës ka hartuar ndërkohë planin për festimet e 17 shkurtit në gjitha komunat e vendit. 150 mijë euro janë dhënë nga buxheti i Kosovës për organizimin e ceremonive për njëvjetorin e pavarësisë. Nga qytetarët Prishtina zyrtare kërkon që të jenë të përmbajtur dhe të
festojnë me dinjitet ashtu si një vit më parë. Serbët e veriut të Kosovës nga ana e tyre, kanë paralajmëruar protesta kundër pavarësisë, madje strukturat udhëheqëse të cilësuara si vija e ashpër, kanë bërë thirrje që sërish të digjen dy pikat doganore të Kosovës veriore me Serbinë. Zyrtarët e policisë kanë deklaruar se janë gati t’i përgjigjen të gjitha provokimeve duke u bërë thirrje qytetarëve të festojnë në mënyrë paqësore. Përfaqësuesi i kësaj force Shpend Maxhuni deklaroi se mund të ketë tubime të vogla por garantoi se janë marrë të gjitha masat për t’u përballur me çdo të papritur Kryeministri i Kosovës, Hashim Thaçi, tha sot, se institucionet vendore dhe ato ndërkombëtare i kanë ndërmarrë të gjitha masat e nevojshme për të parandaluar çfarëdolloj shantazhi që mund t’i bëhet Kosovës nga Serbia.

» Kush do te kendoje per Diten e Pavaresise