“...Button” në krye të top-listave ndërkombëtare

Filmi i Brad Pitt, "The Curious Case Of Benjamin Button", ka kryesuar me shikueshmëri jashtë SHBA-ve, duke grumbulluar 31 milionë dollarë gjatë vikendit që shkoi.


Filmi, i cili tregon ngjarjen e një personi i cili lind i moshuar dhe shkon duke u bërë më i ri me kalimin e viteve, ka debutuar në vend të parë në Itali, Korenë Jugore dhe Tajvan, ndërsa ka vazhduar kryesimin edhe në javën e dytë në top-listat tjera ndërkombëtare.

Në vend të dytë është renditur filmi i animuar “Bolt” me 16.5 milionë dollarë, ndërsa “Valkyrie” me protagonist Tom Cruise, ka zënë vendin e tretë me 11.9 milionë dollarë.