Shkodër; Ndërroi jetë, ipeshkvi i njohur Zef Simoni

Në Shkodër, ndërroi jetë në moshën 80-vjeçare, ipeshkvi dhe studiuesi i njohur Zef Simoni. Ai ishte njëri nga katër ipeshkvijtë shqiptarë të periudhës paskomuniste, të shuguruar nga vetë Papa Gjon Pali i dyte, gjatë vizitës historike në Shqipëri, në prill të ’93-it. Zef Simoni u rendit, mes klerikëve të shumtë, të cilët në vitet e regjimit komunist, provuan burgjet dhe kampet e internimit. Nderimet e fundit për meshtarin katolik, zhvillohen sot, në sallën "Kardinal Mikel Koliqi", në Arqipeshkvinë e Shkodrës, ndërsa ceremonitë e lamtumirës, mbahen nesër në qytetin verior.