Qeveria e Shqipërisë, kërkon rishikim të raportit të BB

Qeveria e Shqipërisë ka kërkuar rishikimin, ose tërheqjen e raportit të Panelit të Inspektimit të Bankës Botërore, që akuzoi Qeverinë për korrupsion, lidhur me rastin e ndërtimeve në Jalë. Në përgjigje të raportit të Panelit të Inspektimit, Qeveria i ka dorëzuar zyrtarisht përgjigje bankës, përmes një letre ku pretendon se përfshirja qeveritare në rastin e Jalës, është ekzagjeruar në raport. Vetë Banka Botërore njofton, se ekzekutivi në Tiranë i ka kërkuar tërheqjen, ose rishkrimin e raportit, për të qenë më objektiv me pozitën e Qeverisë. Tirana zyrtare ka kërkuar gjithashtu, që Banka të japë një qëndrim zyrtar të saj, lidhur me arsyet e përzierjes së Panelit të Inspektimit, në incidentin e Jalës.