Prokuroria serbe, identifikon ushtarët e UÇK-së për krime

Prokuroria e posaçme serbe për krimet e luftës ka nisur procesin e identifikimit të viktimave dhe ish-anëtarëve të Ushtrisë Çlirimtare të Kosovës, që dyshohen se kanë rrëmbyer serbë dhe i kanë mbajtur në veri të Shqipërisë. Lajmi është bërë i ditur nga zëdhënësi i prokurorisë serbe Bruno Vekaric, i cili deklaroi për televizionin kombëtar në Beograd, se janë identifikuar shumica e ish-anatërëve të UÇK-së të cilët kryen krime. Ai shtoi se famijet serbe dhe të tjerë jo shqiptarë po ndihmojnë në këtë proces. Prokurori serb theksoi, se disponon një listë nga ‘Shoqata e Personave të Zhdukur”, me emrat e 11 personave, të cilët dyshohet se janë viktima të trafikut të organeve në Shqipëri. Hetimi për këtë cështje nisi pas publikimit të librit të ish kryeprokurores së Hagës Karla del Ponte. Në librin e saj “Gjuetia”, ajo pretendonte ish ushtarët e UCK-së kishin transferuar rreth 300 të burgosur serbë në veri të Shqipërisë, dhe ishin përdorur për trafik të organeve kryesisht në Europë. Akuzat janë mohuar nga Prishtina dhe Tirana zyrtare.