Arrestohet në itali, shqiptari i akuzuar për vrasje

Një 31-vjeçar shqiptar ka rënë në prangat e policisë italiane në Verona të Italisë, pasi për të ishte prerë një urdhër arresti ndërkombëtar, meqë ishte dënuar në Shqipëri. Në pranga ka rënë Cion Telozi, i cili ishte dënuar në vendlindje me 25 vjet burg për një vrasje me motive gjakmarrjeje. Ndërkaq, policia e Modenas njoftoi për plagosjen me armë zjarri të një shqiptari 26-vjeçar, në Anxola Emilia. I riu me inicialet E.S është qëlluar nga persona të panjohur, që dyshohet për larje hesapesh brenda një bande, e cila shfrytëzonte prostituta. Ai është në gjendje të rëndë në spital.