Prodhohet filmi shqiptaro-serb, Muaji i Mjaltit

Një film shqiptaro-serb, bashkëpunimi i parë i këtij lloji, pritet të dalë nëpër sallat e kinemave europiane, verën e këtij viti. Bëhet fjalë për filmin "Muaji i Mjaltit" i regjisorit serb, Goran Paskaljeviç, një bashkëpunim me skenaristin shqiptar Genc Përmeti. Bëhet fjalë për një film që ka angazhuar edhe aktorë e producentë nga Zvicra, Italia e Gjermania, për realizimin e të cilit janë shpenzuar 1.5 milionë euro. Filmi trajton historinë e dy çifteve, një serb dhe një shqiptar që kërkojnë të ardhmen në BE, e cila nuk i mirëpret. Xhirimet janë kryer në Vojvodinë e Beograd, Burrel, Tiranë, Durrës dhe në bregdetin italian.