Ta Nea: Lirohet shqiptari i cili sulmoi shtetasen bullgare

Arrestimi dhe akuza kundër një 48 vjeçari shqiptar, për sulmin me acid kundër sindikalistes bullgare, Kosntatina Kuneva, në Athinë, është kthyer në fiasko. Kështu shkruan sot e përditëshmja greke "Ta Nea" sipas së cilës, shqiptari i arrestuar ditën e shtunë, është liruar dje nga gjykata, që nuk vendosi asnjë masë shtrënguese për të. Avokatët e tij mbrojtës vërtetuan në gjykatë, se ndaj shqiptarit nuk kishte prova për sulmin, por vetëm fakti se e njihte sindikalisten bullgare. Gazeta shkruan, se vetë Kuneva ka deklaruar në gjyq se 48 vjeçari i ndaluar nuk ka asnjë lidhje me sulmin ndaj saj.