Kuvend, diskutohet sot raporti i DASH

Pjesa e diskutimeve të lira në seancën plenare të kuvendit u përqëndrua në komentet rreth raportit të fundit të departamentit amerikan të shtetit për të drejtat e njeriut në vendin tonë. Deputeti socialist Marko Bello deklaroi, se raporti shpreh problemet me të cilat ballafaqohet shoqëria dhe politika shqiptare. Ai veçoi cilësimin, se ligji i dosjeve është i mjegullt, por edhe ndërhyrjet e shtetit në prokurori. Por deputeti demokrat, Aldo Bumçi theksoi, se raporti vlerëson arritjet në luftën kundër korrupsionit dhe krimit ekonomik.